• Search

Preguntanan Frekuente

Aktualisá riba dia 14 di febrüari 2022

HIPOTEK I FIANSA (inkluso fiansa personal i pa kompra di outo)

For di dia 30 di aprel 2021, Girobank N.V. su portafolio di fiansa a keda transferí pa GI-RO Settlement Holding N.V. (GSH) ku aprobashon di Korte di Promé Instansia di Kòrsou. Klientenan ku un fiansa a keda informá por eskrito tokante di e kambio aki. Pa pregunta tokante di bo hipotek òf fiansa, tuma kontakto ku e helpdesk di GSH na +599 9 433 9177 òf via di mail [email protected].

TARHETA DI KRÉDITO

Girobank a  suspendé tur tarheta di krédito i débito. Klientenan di Girobank ku montantenan pendiente pa ku nan tarheta di krédito (na momentu di e moratorio) a haña e opshon pa paga esaki den un biaha òf yega na un areglo di pago ku Girobank.

Pa pregunta tokante di bo tarheta di krédito i/òf débito, tuma kontakto ku e helpdesk di Girobank na +599 9 433 9130 òf via di mail [email protected].

KUENTA KORIENTE/DI SPAR (inkluso SAM i Time Deposit)

For di 15 di òktober 2021, Girobank a suspendé tur servisio bankario, inkluyendo transferensianan via di internèt, transakshonnan pa terser parti, transakshonnan kèsh i chèk. Alabes, tur AM ta for di servisio. E brènch na Janwe ta habrí durante oranan di trabou (di 8’or te ku 15:30) pa lanta sèn òf hasi pagonan di premio atrasá.

Si bo tin fondonan ainda riba un kuenta na Girobank, tuma kontakto ku e helpdesk di Girobank na +599 9 433 9130 òf via di mail [email protected].

  1. Kuantu di mi sèn lo mi haña bèk? Girobank N.V. lo hasi un pago di e sèn ku tin riba kuenta te na un máksimo di NAf. 1.200.000. Si tin mas ku esei riba e kuenta, e parti ku ta riba e suma ei lo keda di fris.   
  1. Ki dokumento ta nesesario pa sera un kuenta inaktivo?

KLIENTE RESIDENTE

Kuenta personal

  • ID bálido
  • Instrukshon di pago firmá
  • Karta di indemnisashon

Kuenta kompartí

  • ID bálido di kada individual

Si e doño di kuenta a fayesé

  • Sertifikado di fayesimentu
  • Akte van Erfrecht (Sertifikado di herensia si e fondonan ta surpasá 100 florin)
  • Karta di indemnisashon

Kuenta di negoshi:

  • Ekstrakto di Kámara di Komèrsio
  • ID bálido di e firmante(nan) (Direktornan & UBO)
  • Registro di akshonista
  • Deklarashon di UBO
  • Struktura di propiedat
  • Artíkulonan di inkorporashon
  • Instrukshon di pago firmá
  • Karta di indemnisashon

KLIENTE INTERNASHONAL

Kuenta personal

  • Pasport bálido
  • Prueba di adrès
  • Formulario di kondishon general firmá
  • Karchi (ku lista di) di signatario, si no tin den fail
  • Instrukshon di pago firmá ku mester kuadra ku e firmanan riba e Karchi di signatario
  • Karta di indemnisashon

Kuenta kompartí

  • ID bálido di kada firmante
  • Instrukshon di pago firmá pa tur dos firmante

Si e doño di kuenta a fayesé

  • Sertifikado di fayesimentu i Sertifikado di herensia
  • Instrukshon di pago firmá pa e herederonan

Kuenta di empresa

  • Prueba di adrès di e entidat, firmantenan, direktornan i UBO, si no tin den fail
  • Ekstrakto di Kámara di Komèrsio
  • Sertifikado di inkorporashon, si ta aplikabel
  • ID bálido di e firmante(nan), direktornan i UBO
  • Sertifikado de titularidat (obligatorio)
  • Struktura de propiedat
  • Deklarashon di UBO
  • Registro di akshonista
  • Artíkulonan di inkorporashon, si no tin den fail
  • Resolushon pa sera kuenta firma pa tur representantenan legal
  • Instrukshon di pago firmá
  • Karta di indemnisashon

SEGURO

E kobertura di mi seguro ta bálido ainda?

For di dia 1 di yanüari 2022, tur pólisa di seguro a wòrdu transferí bèk na e respektivo kompanianan di seguro. Konsekuentemente, tur pago mester wòrdu hasi direktamente na e kompania di seguro mes. Klientenan ku tin pagonan di premio atrasá, mester paga esaki direktamente na Girobank na e siguiente manera:
1. Kèsh na bali.
2. Depositá òf transferí e montante na nos kuenta di banko 3001213484 na Vidanova Bank, ku menshon di e number di pólisa.​​​​​​​

OTRO

  1. Kiko ta pasa si mi tin mas ku NAf. 1.200.000,- riba mi kuenta. Mi ta pèrdè akseso na e sèn ei? Si bo tabatin mas ku NAf. 1.200.000,- riba bo kuenta, lo fris e parti ku ta riba NAf 1.200.000,- te na próksimo aviso.
     
  2. Kua ta e filialnan ku ta duna servisio na públiko ainda? Aktualmente, nos filial na Janwe ta habrí durante oranan di trabou (di 8’or te ku 15:30).
     
  3. Kiko ta e informashon di kontakto di GI-RO Settlement Holding N.V.?  Pa informashon por bishitá www.gshcuracao.com, manda un mail pa [email protected] òf yama telefòn +599 9 433 9177.

Si tin mas pregunta, manda un e-mail libremente na [email protected] i/òf [email protected], òf tuma kontakto ku nos helpdesk via telefòn na +599 9 4339130.

Last updated: 09.05.2022 13:05